QAPPLE Nærings-PhD
Startdato: 01.01.2021
Sluttdato: 31.12.2024
Finansiering: Forskingsrådet, Sparebanktstiftinga Sogn og Fjordane, Graminor, NMBU, NJØS
FoU-partnar: Graminor, NMBU, NJØS
Samarbeid: Sveriges Lantbruksuniversitet (SLU, Sverige) og Fondazione Edmund Mach (FEM, Italia)
Kontaktperson:
Liv Hatleli Gilpin
Prosjektleiar
Tlf.: +47 416 96 913
E-post: liv@njos.no
QAPPLE Nærings-PhD
I nordisk og norsk fruktdyrking, er eple den viktigaste produksjonen målt i volum. Framgang i planteforedling er basert på moglegheitene for å gjera presise utval av nye avkom med ynskte eigenskapar. Tradisjonelt blir dette utført ved testing av store populasjonar i feltforsøk over fleire år og lokalitetar. Dette er både kostbart og tidkrevjande. Genombasert planteforedling gjer det mogleg å kunne velja ut frøplanter med best mogleg fruktkvalitet utan å måtte analysera frukta. QApple er eit samarbeidsprosjekt mellom Njøs frukt- og bærsenter, Graminor AS og NMBU (gradgivende institusjon). Prosjektet fokuserer på å utvikla eit meir effektivt epleforedlingsprogram, gjennom implementering av nye genetiske verktøy, med fokus på fruktkvalitet og klimatilpasning. Basert på forbrukertrendar og preferansar hjå interessentar i verdikjeda vedrørande sortseigenskapar, er det viktigste foredlingsmålet i det norske epleforedlingsprogrammet etekvalitet.
I dette prosjektet brukar me eit diversitetsspanel beståande av 350 sortar som inneheld nordiske foredlingsmaterialer, marknadssortar, eldre sortar, sidersortar og kazaksthaneple. Sortseigenskapar som skal vurderast er klimatilpasning, etekvalitet (bl.a. sprøheit, saftigheit, sødme og syre) og stabilitet og lagringsevne. Ein nærings-PhD student (Liv Gilpin) er teken opp ved PhD-programmet ved NMBU i februar 2021.